Z Města/Cottbus. Dnja 9. Julija jo se zachopiła nowa faza rěcnego planowanja w Dolnej Łužycy. Cłonki strategiskeje kupki projekta SROKA su se prědny raz w rumnosćach Serbskego instituta pśi Grodowej cerkwi w měsće zmakali. Nadawk toś teje kupki buźo pśewóźiś wuźěłanje rěcnego plana za dolnoserbsku rěc až do kóńca lěta 2027. Projektowy team Serbskego instituta jo zjawnje nawołał, se procowaś wó sobuźěło w strategiskej kupce. Wóna dej wšykne zakładne rozsudy stwóriś glědajucy na wuwijanje rěcnego plana. Cil jo zmócnjenje a wóžywjenje dolnoserbskeje rěcy.