Lube źiśi, lubujośo słynice? Lubujośo pjacenje a jěźenje tykańca? How mamy za Was pśinosk z Bórkow, kak wjele šposa su tam hortowe źiśi ze słynicami měli.

Co cynimy na rědnem junijowem dnju, gaž mamy w našom horśe (Hort Lipa w Bórkowach) pówušonu grědu (Hochbeet) połnu słynicow? Pšawje – smy se z głowu naprědk garnuli do słynicowego dyrdakojstwa a smy pśiguslowali legendarny słynicowy tykańc z pudingom, kenž njejo jano za lěśim słoźeł, ale teke za teamworkom, šposom a pitśku kuchniskim chaosom.

Naše sam tergane słynice su byli te superstary dnja. Někotare su kśěli je ned kšajźu chłošćiś, ale naše źiśi su byli stražniwe a za to se starali, až te słynice pśidu na tykańc.

Puding jo był pśisamem rowno tak malsnje minjony, ako jo se warił. Z nim a lubosnje pśeměsonym śěstom jo nastał zakład za mejstaŕski tykańc ze słynicami ako kronowanje. A wjeliki finale, se wě, jo był moment, w kótaremž smy wšykne zgromaźe pśi pójědanku (Vesper) sejźeli, tykańc jědli a wšykne tak wuglědali, ako my by byli w sedymem njebju.