Diese Seite drucken

Z wólneju moderaciju a serbskeju reju pśeśiwo górcośe

Awtor: Katalin Porackojc stwórtk, 26. junij 2025
Njeglědajucy na wusoke temperatury wokoło 30 stopnjow su woglědarje k zukam Serbskeje reje z połneju mócu koło teptali. K. P.

Z Města/Cottbus. Zbliska a zdaloka su narske woglědarje do města pśichwatali, aby dožywili nejwětšy ludowy swěźeń regiona, ga měsćański swěźeń w Chóśebuzu. W ramiku togo zarědowanja ma teke serbska kultura južo wjele lět swójo kšute městno, tenraz sobotu na rbb-jawišću w Puškinowem parku. Pśez program stej wjadłej rbb-moderatorce Diana Šejcowa a Jasmin Šomber-Krausowa dwójorěcnje a stej – pitśku pózdźej ak planowane – teke wuwitałej wušego šołtu Tobiasa Schicka a teke prědny raz wušu šołtowku z Gelsenkirchena Karin Welge, a to dla 30. jubileja měsćańskego partnaŕstwa mjazy městoma (glej tek bok8 togo Casnika). K drugim pódpěrarjam swěźenja a cesnym gósćam, kótarež su se na jawišću zmakali, su słušali Ana Kosacojc-Kozelowa, zagronita za serbske nastupnosći a organizatorka Serbskego swěźenja, Doreen Mohaupt, chóśebuska šołtowka, Sven Walter wót Žarjabnice Sprjewja-Nysa, Karina Storm wót rbb-studija Chóśebuz a Delia Münchowa, cłonk Serbskeje rady w Bramborskej.

artikel pógódnośiś
(0 )
Pšosym zalogujśo se, cośo-li komentar dodaś