Na kótare temy junijowego Płomjenja mógu se źiśi a młodostne wjaseliś?

Cytaŕki a cytarje namakaju w casopisu zawěsće něco za sebje. Chtož rad limonadu pijo, dostanjo ned na drugem boce dobry recept za melonowu limonadu. Chtož lubujo rědne wulicowańka cytaś, móžo ned Płomje na boce źaseś wótcyniś. „Mały plon Lipko ma burstak“ jo titel wulicowańka, kótarež jo napisała Karlinka Köhlerojc, wobźělnica rěcnego projekta Zorja. Tekst móžomy z pomocu QR-coda teke sebje wótsłuchaś! Wušej togo zajmnej stej mjazy drugim artikela wó wisecych domach w Francojskej a wó jadnoraznej zeleznicy we Wuppertalu.

Dajo teke ako pśecej zwucowanja a gódańka?

Se wě! Na młodše wuknice a wukniki caka bok k zachopjeńkoju lěśa a mjasecoju junij. Pókšacujomy teke ze zwucowanjami k pódaśeju casa. Wušej togo smy pśigótowali drogowański kwis a rebuse. Teke memory z wokablami a wobrazami zagrodowego rěda a wokablowe kórtki k temje kompjuter a internet mógu pomagaś pśi wuknjenju nowych słowow.

Cośo hyšći něco wósebnje pśirucyś?