Bautzen/Budyšyn. Budyšyńske źiwadło na groźe jo było zajźony pětk zmakanišćo za górnołužyskich a dolnołužyskich Serbow. David Chmelík, wobgóspodarjowaŕ Słowjańskego groźišća w Radušu, jo pśišeł z małeju delegaciju, ale z wjelikeju produktoweju paletu, aby Górnołužycanarjam grod a jogo aktiwity blišej pśedstajił: „Se wjelgin wjaselim, až móžom Słowjańske groźišćo prědny raz w jogo nowocasnej historiji w kulturelnem centrumje našych górnoserbskich pśijaśelow w Górnej Łužycy w Budyšynje pśedstajiś. Dokulaž Słowjańske groźišćo jo teke jich grod – jo grod wšyknych Serbow“, jo gronił w swójom pśiwitanju.

Hajko Kozel, kótaryž groźišćo ako póraźowaŕ pódpěrujo, jo wužywał zmakanje, aby na parlamentariske źěło Serbskego sejma pokazał. „Jano, gaž wšykne Serby gromadu źěłaju, móžomy politiski něco dojśpiś.“