Z Trjebina/Trebendorf. Na Šusteroc dwórje w Trjebinje jo se wótměło zajźony tyźeń tradicionelne familijowe zmakanje „Na Šusteroc muŕce/Auf Schusters Ofenbank“. Zajm jo wjeliki był, dokulaž jo se tema derje góźeła k pśedjatšownemu casoju. Jo šło wó dopomnjeśa na jatšowne spiwanje na jsach slěpjańskeje wósady. Kuždy jo dejał w swójich familijowych archiwach za historiskimi fotami pytaś a je sobu pśinjasć. Bóžko nichten njejo namakał wobraze z jatšownymi spiwaŕkami, lěcrownož jo se wótměło jatšowne spiwanje we kuždej jsy. Ale tegdy hyšći njejo dało handy.