Z Bórkow/Burg. Dnja 9. měrca 2025 su rybarje wšyknych městnych kupkow Serbskego rybaŕstwa se zgromaźili k wažnej napšawje – ga k wobsajźbje z rybami w Bórkowach. Zmakanišćo jo był na tradicije bogaty błośański młyn, źož su se wótpołdnja pśi rědnem, nalětnem wjedrje měńki w larwinem stadiumje librowali. Z wjelikim angažementom su wobźělniki wobsajźbu z rybami pśigótowali a na wšakich městnach w Błotach pśewjadli.

Cil teje napšawy jo, wobstatk w Błotach domacnych měńkow zasej trajnje zmócowaś. Měńk (nimski „Quappe“, w młogich stronach teke znaty ako „Rutte“ abo „Trüsche“) jo w srjejźnej Europje domacna rybjeca družyna, ale jo we wjele regionach mjenjej a mjenjej wordował. Winu maju pśedewšym pśetwarjenje (Verbauung) rěkow, wunjerěšenje wódow a změnjenje pśirodnych žywjeńskich rumow. Wobstatk měńka jo w slědnych lětźasetkach mócnje wótebrał.