Slědny raz jo se 19. nowembra zmakała něntejšna bramborska Rada za serbske nastupnosći (RASW) w Pódstupimje. Pósejźenje jo se online pśenjasła a prědny raz pśi tom teke nagrawała. Cłonki rady su wó tom rozpšawili, ku kótarym wuslědkam su wóni wót slědnego pósejźenja pśišli. Delia E. Münchowa a Kathrin Šwjelina stej se wobźěliłej 6. nowembra w Chóśebuzu na wobradowanju wuběrka za twaŕ a wobchad z wuběrkom za kubłanje, sport, kulturu a serbske nastupnosći. Tema jo była pśedwiźone pówušenje śěgowosći, mjazy drugim teke na Dolnoserbskem gymnaziumje. Pśi tom jo wó to šło, pśibytnym wjeliki wuznam togo gymnaziuma za Serbow wuwědobniś. Pśeto z dalšneju rědownju njeby mógał se – dla felujucych personelnych a rumowych kapacitow – serbski profil teje šule wěcej zdźaržaś.

Dnja 11. nowembra jo se wobźělił cłonk rady Delia E. Münchowa na stwórtem pósejźenju Rady za wěcejrěcnosć. Tam su wuzwignuli wuznam koncepta wěcejrěcnosći a su se wugronili za malsne załoženje kompetencnego centruma za wěcejrěcnosć.