Z našych jsow/sorbische Lausitz. Dajomy se do adwenta – a ku tej góźbje pśiwabiju wšake adwentske a gódowne marki w regionje. Na pór comy how pokazaś: Tak buźo sobotu, 30. nowembra, adwentski mark w Rogoznje, a to wót zeger 14:30 pśi gmejnskem domje (wognjowa wobora). Was docakaju wulicowaŕka bajkow, dujaŕska muzika, sam gótowane jěze a piśa kaž teke pyšnotki a pśisłušk za serbsku drastwu. Na pśedań buźo wjele sam zgótowanego, tek nowy swěźeński spis za Rogozno a rogozański kalendaŕ. Mimo togo mógu źiśi basliś w gmejnskem domje. Teke gódowny muž buźo na woglěźe na najsy w Kśišowje. How budu jano sam baslone a sam źěłane produkty na pśedań. Samski źeń buźo gódowny mark teke w Hochozy.

Tyźeń pózdźej, ga sobotu, 7. december, móžośo se wjaseliś na 14. šlichojski gódowny mark, ako buźo wót zeger 16:00 do 21:00. Na Was cakaju karasel, klěbpjacenje nad wognjom, live-muzika pśi wognišću, dujarje na góńtwaŕskem rogu, wót zeger 19:00 gromadne gódowne spiwanje. Se wě budu tam tek pśekupowańske a imbisowe stojnice. Samski źeń, zeger 15:00, wótwóriju gódowny mark w Depsku pśi tamnem sportaŕskem domje.