Ze Slěpego/Schleife. Serbska rěc móžo se z wjaselim a z kreatiwitu nawuknuś. To jo pokazał stwórtk, 19. septembra, pyšny rěcny swěźeń na farje w Slěpem. Organizěrował a wugótował jo se wón wót rěcnych motiwatorow Seśi za serbsku rěc a regionalnu identitu (ZARI). „Swěźeń jo se wótměł w ramiku prědnych sakskich akciskich dnjow wokoło susedstwa a rěcow (iniciatiwa Sakskego krajnego běrowa za susedsko-rěcne kubłanje). To jo naš pśinosk k Europskemu dnju rěcow“, jo pódšmarnuła organizatorka Juliana Kaulfürstowa. Wóna jo ako sobuźěłaśeŕka Domowiny wót 2023 motiwatorka za serbsku rěc w regionje Slěpe a Wochozy (Nochten).