Z Hüsema/Husum. Na 75lětne statkowanje glědaś a směrdajuce nadawki do pśichoda sformulěrowaś, to jo był nadawk lětosnego kongresa Federalistiskeje unije europskich narodnosćow (FUEN), kenž jo se wótměł 19. do 22. septembra w Hüsemje. W swójom witanju jo friziski wiceprezident FUEN Bahne Bahnsen wuzwignuł, až jo politiske wobźělenje rěp funkcioněrujuceje demokratije. Teke mjeńšyny měli se aktiwnje na politiskem a towarišnostnem žywjenju wobźěliś. Prezidentka Krajnego sejma Šleswig-Holštejnskeje, Kristina Herbst, jo pomjeniła šćit cłowjeskich a mjeńšynowych pšawow a pśipóznaśe wjelerakosći „stupy, na kótarychž se moderna Europa natwarijo“.