Z Rogozna/Willmersdorf. Chóśebuski měsćański źěl Rogozno jo swěśił na kóńcu tyźenja swój 575. jubilej. Pó póstrowjeńskich słowach wušego šołty Tobias Schick jo se wupórał sobotu, zeger 14:30, swěźeński pśeśěg ze Šwikałkarjami z Górjenowa (Komptendorfer Spielmannszug) prědku a z dogromady 20 wobrazami z tudskich stawiznow a pśibytnosći wót sportowego parka pó jsy. Wjele towaristwow z togo chóśebuskego měsćańskego źěla jo pódla było.