Z Gołkojc/Kolkwitz. Źož jo była hyšći pśed tśimi lětami na pšawem boce drogi z Hajnka (Hänchen) do Gogolowka (Klein Gaglow) wjelika zelena łuka, stoj něnto nowa šula, ako słuša k wokrejsoju Sprjewja-Nysa (SPN). Jo to cełkowna šula, na kótarejž wuknu źowća a gólcy wót 7. do 13. rědownje, což groni, až mógu tam teke tak ako gymnaziasty gótowaś swóju abituru. Tak ako něnto wuglědajo, buźo pak jano kuždy tśeśi wót nich taku móžnosć wužywaś.