Z Łužyce/Lausitz. Wuzwólowanja krajnego sejma w Sakskej a Durinskej su mimo, w Bramborskej ale maju wólaŕki a wólarje hyšći až do njeźele, 22. septembra, cas se rozsuźiś. Aby nam w serbskem sedleńskem rumje take rozsuźenje – wósebnje glědajucy na serbske temy – lažčej padnuło, jo kšywowy zwězk Domowina južo zachopjeńk februara wótpowědne pšašanja na politiske strony zběrała. Toś te pšašanja jo Domowina stronam dalej dała a jich wótegrona na swójom internetom boce domowina.de wózjawiła. Wólbne kopolaki a pśidatnje teke wurězki z wólbnych programow stronow, źož jo serbski lud naspomnjety, móžośo tam ako pdf-dataju wólodowaś a cytaś. Nowy Casnik buźo Wam wólbne kopolaki na bramborske strony w toś tom a pśiducyma wudaśoma źělnje wótśišćaś. W Bramborskej jo pěś stronow (SPD, CDU, Zwězk 90/Zelene, FDP a Lěwica) direktnje na pšašanja wótegroniło, Zwězk Sahra Wagen-knecht (BSW) a BVB/Liche wólarje stej jano generelnej stojnišći k serbskim temam wótedałej. Bramborska AfD zewšym njejo na napšašowanje Domowiny reagěrowała.

Wólbne programy bramborskich stronow