Pó wěcej ako 700 kilomejtari dłujkem pśijězdźe, pó prědnej nocy w Pólskej, pó wótwórjeńskem swěźenju a z knigłami jězdow (Fahrtenbuch) w bagažy, jo mógało dyrdakojstwo se zachopiś. Na dnju pśijězda stej mógłej Martin Hoffmann a Christian Schmerl z gmejny Dešno-Strjažow se zeznaś z drugimi teamami, kótarež su pśišli z cełeje Nimskeje, Šwicaŕskeje, Awstriskeje, Luxemburgskeje a samo z Wjelikeje Britaniskeje. Do rozgrona su se dali a pśedewšym na te wšake awta su wšykne glědali.