Z Terpjego/Terpe. Pśedslědny kóńc tyźenja stej pśepšosyłej najmaŕske zgromaźeństwo góńtwaŕskego towaristwa Terpje a pśedsedaŕstwo Terpjańskego bergaŕskego drustwa z.t. (TBG) na prědny góńtwaŕski a rolnikaŕski swěźeń na drjewowem dwórje TBG. Wobej stej měłej ideju, w Terpjem raz něco kradu nowego na nogi stajiś a k tomu zgromadny swěźeń wugótowaś. Ten jo był wjeliki wuspěch a tym wjelim woglědarjam su bitowali zajmne, pówucne a spódobne góźiny ze wšakimi móžnosćami za rozwjaselenje. Ceły źeń jo był wjeliki nawal gósći.