Z Łužyce/Lausitz. Te zwěrjeta su byli dłujki cas w Nimskej a z tym teke w kraju Bramborska pśisamem wutamane. Jano mały wobstatk teje družyny cycarjow jo pśi Łobju pśežywił. Na zakłaźe kšutych šćitnych póstajenjow a wjelebocnych procowanjow jo se bobrowy wobstatk mjaztym zmógnuł. W Bramborskej licy se wjelikosć populacije tuchylu na 3.500 do 3.700 zwěrjetow.

Wót zachopjeńka lěta 2000 jo se bobr we Błotach zasej zasedlił a how idealne žywjeńske wuměnjenja namakał. Zwěrjeta mógu ze swójim spjerchlinatym wogonom wjelikosć wót něźi 1,35 metra dojśpiś a waže mjazy 25 a 30 kg. Pódobnje ako wjelki njejsu bobry wšuźi woblubowane.