Z Města/Cottbus. Žywe su byli we rozdźělnych casach, ale wšykne tśo maju něco zgromadnego. Nic jano, až su byli serbske fararje. Kuždy z nich jo teke wótglědajucy wót fararjenja něco wuznamnego wugbał – za Serbow a tek daloko zwenka serbskego swěta. Wjelgin zajmne informacije wó statkowanju Albina Mollera (*wokoło lěta 1541 w Tšupcu, † 1618 w Starej Darbni), Hadama Bohuchwala Šěracha (*1724 w Nosaćicach/Nostitz, † 1773 w Budyšinku/Kleinbautzen) a Bogumiła Šwjele (*1873 w Skjarbošcu, † 1948 pśi Naumburgu) jo mógało tych něźi 20 luźi zgóniś, ak jo pśišło 26. apryla do klubownje Serbskego doma na studijny źeń Šule za dolnoserbsku rěc a kulturu. Ten jo wótběgnuł pód titelom „Ludowěda z wócami serbskich fararjow“.