Z Drjowka/Drebkau. Kšute a wažne terminy w Muzeju Serbska tkajaŕska śpa w Drjowku su južo wušej 30 lět wokoło jatš namakaś. Styri tyźenje pśed jatšami wótwórijo se kuždy lěto jatšowna wustajeńca – lětosa pód titlom „Jatšowne jaja, jatšowne nałogi a blachowe jaja z awtomatow“. A tradicionelnje wótmějo se jatšowny mark w rumnosćach muzeja tśi tyźenje pśed jatšami, toś slědnu njeźelu.