Z Budyšyna/Bautzen. Wót 8.-10. měrca pórucyjo Serbski ludowy ansambel folklornym muzikaŕkam a muzikarjam móžnosć, se w laboratoriumje ze serbskeju folklorneju tradiciju zaběraś a se na jich dalejwuwiśu wuproběrowaś. Zakład twórje „Kralojski guslowański spiwnik“ budyšyńskego ludowego gerca Mikławša Krala (1791-1812). W rozestajanju z toś teju zběrku wuwijaju muzikarje a muzikaŕki wšakorake nacerjenja ze cilom, melodije wóžywiś.

Njeźelu, 10. měrca, zeger 16:00 mógu zajmce wuslědki na małem koncerśe dožywiś. We ramiku togo koncerta pśedstajiju se dalšne wjeraški serbskeje folklorneje tradicije: Nowowudaśe „Kralojskego guslowańskego spiwnika“ pśez Serbski ludowy ansambla a k tomu cejdejka pód titlom „Pó łužyskich drogach“ kupki „Released Sounds Trio“. Maciej a Mateusz Rychły a Elisabeth Seitzowa wužywaju wósebne instrumenty ako tradicionelne pastyŕske pišćałki, psalterium, staufferowu gitaru, mandole, akordowe cytary a małe serbske dudy „měchawka“. Pśez to su nastali njezaměnliwe interpretacije z Kralowych kniglickow za gusle.