Z Depska/Döbbrick. Slědny kóńc tyźenja w februarje su se Depšćanarje wupórali, aby zymu wugnali. Camprowała běšo depšćańska młoźina južo sobotu, 24. februara. Nejžpjerwjej jo młoźina zgromadnje pó jsy śěgnuła, jano w nowem sedlišću jo se młoźina źěliła. Rowno něnt ga renowěruju „staru šulu“, dla togo su k wjacoroju swóje zběrane jaja w chromje wognjoweje wobory zjědli. Te su mamy a młode wóstanjone za młoźinu wopjakli.