Luba redakcija,

we Wašej rozpšawje pósejźenja serbskeje rady su zasej raz wšake zmólki. Což njejo prědny raz pśi politiskich temach. A teke, gaž su pór tych wěcow snaź tam tak gronili, njemusy tak pšawje byś a žurnalistiski by rědnje było, pón rešeršěrowaś a kritiski rozpšawiś...

1. Formalna wěc: BMBF njejo Bramborske kubłańske ministaŕstwo, ale BUNDESministerium für Bildung und Forschung. (...)

A což wólby serbskeje rady nastupa, jo ta ceła diskusija wurězk togo, až se w Domowinje nichten za to njezajmujo. Demokratiske wólby su nejwušy dobytk. A widobnje njewěźe, kak z tym wobchadaś. Daniž Domowina, daniž Serbska rada stej se raz ze starym wólbnym wuběrkom sednułej, lěcrownož smy to južo lěta dłujko naraźili. Widobnje njewěźe tak pšawje, kak jogo źěło wuglěda. A widobnje teke njejo nichten póglědnuł do kazni abo wólbnego pórěda (WO-SWG jo źěł krajnego pšawa a njestoj k lichej dispoziciji, ako se rowno někomu co).