Z Janšojc/Jänschwalde. Z oficialnym aktom – ze symboliskeju změnoweju wótměnu (Schichtwechsel) – jo LEAG pětk, 22. decembra, kóńc Janšojskeje jamy swěśił. Teke ministaŕski prezident Bramborskeje Dietmar Woidke jo se na tom swěźenju wobźělił a jo górnikarjam swój respekt a źěk za jich wjelike źěło w zachadnych 47 lětach wugronił.

Z kóńcom wudobyśa brunice zachopiju wótněnta geotechniske zawěsćenja tych płoninow a pótom slědujo renaturěrowanje. Nastawaś deje tam tśi jazory a mimo togo planujo LEAG tam wětšne a solarne załožki instalěrowaś. Za take źěła wóstanjo źěl pśistajonych w Janšojcach, druge górniki budu w hyšći aktiwnych jamach, kaž w Wochozach (Nochten) abo we Wjelcej (Welzow) dalej źěłaś.