Co wopśimjejo slědne wudaśe Płomjenja togo lěta?

Tenraz dajo zwucowanja a gódańka ku gódownej tematice. Źiśi mógu se wjaseliś teke na jadnu bajku ku gódam a na baseń wó ruprajchtu. Wobej jo móžno sebje w Płomjenju z pomocu QR-codowu abo na internetowem boku Rěcnego centruma WITAJ pód rubriku „Casopise“ teke wótsłuchaś. Za cytaŕki a cytarjow mamy zasej luštny comic a bok ze źaseś zajmnymi faktami wó wósobach. W decemberskem wudaśu zachopijomy teke ze seriju pśinoskow z titelom „Mója dobrowólna słužba w Luxemburgskej“. W tom małem kraju pśebywa rowno absolwentka Dolnoserbskego gymnaziuma Lara Pundrichojc. Wóna pišo w prědnem źělu, co su cile takeje słužby, kak jo se wóna na nju pśigótowała, co gótujo a cogodla jo se rozsuźiła rowno za Luxemburgsku.

Zeznajomy teke druge zajmne kraje w Płomjenju?