Z Pécs/Fünfkirchen/Pečuh. Wót 7. až do 10. septembra 2023 su pśewjadli w Hungorskej 67. FUEN-kongres. Nimska mjeńšyna w Hungorskej jo pśepšosyła a wokoło 200 wobźělnikow z 26 krajow su tam dojěli. Pśedsedaŕka SSF (Sydslesvigsk Forening – towaristwo dańskeje mjeńšyny) Gitte Hougaard-Werner jo groniła, až zastupniki mjeńšynow su wjelgin spokojom, až rezolucija ku kongresoju FUEN k wuznamoju pšawniskego stata a demokratije jo wót delegatneje zgromaźiny wjeliku pódpěru dostała.