Z Dolneje a srjejźneje Łužyce/Niederlausitz und mittlere Lausitz. W slědnych štundach jatšowneje nocy su se we wšakich jsach zmakali młode źowća a žeńske. Wóni su spiwali a powěźeli tu powěsć wót górjejstawanja. Źinsajšne źeń njejsu to wěcej te źowća, kótarež zwucuju kjarliže wót śerpjenja Jezusa a górjejstawanja na pśězy. Źinsa su to žeńske a źowća wšych generacijow.

Žylow/Sielow

We Žylowje su drje nejjěsnjej zachopili, ga južo zeger 3:30. Jadnasćo žeńskich jo se zmakało pśi cerkwi. Tśi štundy su šli pó jsy, nježlic až jo se switało. Lětosa su byli tśi nowe głose pódla. Aby Žylowarje wěźeli, źo te spiwaŕki budu ducy, su krydnuli flyer z informacijami. To jo se luźam spódobało, a wěcej interesentow jo pśichwatało.

Gołbin/ Gulben