Z Górneje Łužyce/Oberlausitz. W Serbskich katolskich stronach w Górnej Łužycy – te su mjazy Budyšynom, Wórjejcami a Kamjeńcom – jo se jatšownu njeźelu mjerwiło z luźimi. Z cełeje Łužyce, z cełeje Nimskeje a z drugich krajow su howko pśišli, aby sobu dožywili serbski kśesćijański nałog – ga to znate jatšowne rejtowanje. Na dogromady źewjeś procesijach su tenraz licyli zgromadnje 1.382 rejtarjow a kóni. To su byli jano někotare mjenjej ako łoni. W lěśe 2020 ga běšo to cełe rejtowanje korony dla wupadnuło. Tegdy su jano spiwali, ale njejsu rejtowali. W lětoma 2021 a 2022 pak bu jatšowne rejtowanje zasej dowólone, k tomu pak su byli notne mócne diskusije, nježli jo to se dowólijo.