Nowe wudaśe serbskego kulturnego casopisa jo se wudało a zaběra se wjele z Handrijom Zejlerom a z jogo rěcu. Wjelgin škóda jo, až w slědnem casu njejsu žedne pśinoski w dolnoserbskej rěcy wótśišćane byli. Tenraz móžomy jano recensiju k wustajeńcy w Dolnej Łužycy cytaś, wěcej k tomu na kóńcu teksta.

Titelowemu wobrazoju se groni „Archa“, ten jo Evelin Grunemanowa wugótowała. Na stwórtej stronje jo foto pśestajenja lětosnego ptaškoswajźbnego programa „Jakub a Kata“ wót SLA. Prědny tekst z titelom „Slepjanski rozprajak – zakład za nowy rěčny započatk“ wót Wernera Měškanka tematizěrujo knigły „Ho zachopjonku jo było to słowo. Slepjański rozprajak. Schleifer Sprachführer“.