Ze šwigawu jo wšo mimo. Termina za zapust a karnewal se měritej pó cerkwinem kalenderje. Kak rědnje by było, gaby se to teke raźiło w našych jsach.

Ze šwigawu se zachopijo spótny cas. Kužde lěto wopytaju luźe, se alkohola, awta abo šokolady zbyś we tych 40 dnjach. Wóni wótstupaju wót wšednych drogow. Lětosa ma tych „sedym tyźenjow bźez...“ moto: „Swěśijmy se, buźmy jadna tej drugej swětło! Wugótujmy sedym tyźenjow bźeze zgubjenja naźeje.“ Wótergi ja se myslim, až smy wše bywali pśetłuste, pógniłe. Wšykno ned dej wen, nic wěcej njehuźaržujomy a nic njezaźaržujomy. Wšo comy ned měś. Spótny cas móžo pomogaś, sebje to huźaržowanje pśiwucyś a se zadoraś prědnemu impulsoju.