Z Města/Cottbus. Filmowa premjera jo była stwórtk wjacor w chóśebuskem Obenkinje. Tam su měli Serby a dalšne luźe z wótbagrowanych łužyskich jsow swój podium a su mógali powědaś ako jo jim guba narosła. W nabity połnem chóśebuskem Obenkinje jo swěśił film „Źo wó to wuknuś se naźejaś / Es kommt darauf an das Hoffen zu lernen“ swóju łužysku premjeru. Wjerśeli su w slědnych tśich lětach w srjejźnej Łužycy. Pótrjefjone su měli to grono we tom filmje, ale teke pótom w tej diskusiji.

Režiserka filma Annette Dorothea Weber, kótaraž jo w Mannheimje wuměłski centrum załožyła a nawjedowała, jo na njestronity a wuměłski part wobchadała z teju tematiku a jo nažněła jano chwalbu za ten film. Serby a serbska kultura tam graju rolu, a samo serbska rěc se w filmje powěda. Woglědarje su pśišli na pśikład z Liškowa, Liškowka a Łakomeje. Wóni su woblutowali, až to serbske a wejsna gromadnosć wěcej njejstej.