Z Brězowki/Halbendorf. Smy zasej raz w srjejźi januara. Wšykne póglědy we źiśownjach Łužyce měrje se na serbski nałog ptaškoweje swajźby. Tomu wótpowědujucy jo teke brězańska źiśownja „Bóśonowe gnězdo“ (\"Storchennest\") wupyšnjona. Pyšnotki su źiśi sami baslili: ptaški, futrowańske domcyki, k tomu su se teke góźece wobraze mólowali. Póstarki k tomu dostanu źiśi wót wótkubłaŕkow. Ptaškowa swajźba ma slědkoju teke pedagogisku slězynu. Cogodla musymy w zymje ptaški kuždy źeń futrowaś, a kótare ptaški ga zewšym hyšći how su? Něnto źiśi jich wopóznawaju. W ptaškowem domje w zagroźe źiśownje „Bóśonowe gnězdo“ jo wšednje wjele źěła. Mjaztym až se pikotace spokojom pokazuju, se w źiśowni pilnje ptaškowa swajźba nazwucujo. Dwójorěcnje, ako se to w Slěpjańskej wósaźe rozmějo.