Z Barlinja/Berlin. Casnik jo pśedslědnu sobotu dojěł do Barlinja. Tam jo Sonja Schindelowa měła wernisažu ze swójim mólaŕskim klubom. Wšo jo wustajone až do 14. měrca w „Stadtteilzentrum Biesdorf“ (Alt Biesdorf 15). Motiwy Sonje Schindeloweje su wjelebocne, wóna mólujo z wólejoweju barwu. Nejlubjej ma portrety – daś to su luźe abo zwěrjeta. Pódla su wobraze, kótarež jo pó pśikłaźe znatych mólarjow gótowała. To mógu byś wobraze wót móŕskich bitwow abo idyl z rokoko.