Z Budyšyna/Bautzen. Pó prědnej folklorowej źěłaŕnicce w aprylu 2022 slědujo pókšacowanje teje źěłaŕnicki wót 24. do 26. měrca 2023 za lubowarjow folka w Chóśebuzu.

Zakład teje źěłaŕnicki buźo „Das Kralsche Geigenspielbuch: Budissiner Liederhandschr. vom Ende d. 18. Jh/Kralowy huslerski spěwnik“. Te knigły płaśe ako nejstarše zapiski serbskich ludowych a rejowańskich melodijow. Swójo mě maju te „Kralojske“ knigły pó swójom slědnem wobsejźarju, kótaryž pak njejo žeden kral był. (Chtož co słyšaś melodije, kótarež su zapisane we tych knigłach, móžo teke hyś na homepage kupki „Serbska reja“, ga https://serbskareja.wordpress.com/session-leipzig-ost/, „Serbska reja“ pak njama nic cyniś z teju źěłaŕnicku).