Pódstupim/Potsdam. Ministarski prezident Bramborskeje dr. Dietmar Woidke (SPD) jo stwórtk se zmakał we statnej kanclaji ze zastupnikami Domowiny na źěłowe rozgrono. Domowinu su zastupowali jeje pśedsedaŕ Dawid Statnik, jadnaŕ Domowiny a viceprezident federalistiskeje unije narodnych kupkow Bjarnat Cyž a zastupny jadnaŕ Domowiny Marcus Końcaŕ, tejerownosći zastupny pśedsedaŕ Serbskeje rady.

Serbske zastupniki su chwalili Bramborsku za to, až how jo se we slědnem casu wjele dobrego na pólu mjeńšynoweje politiki stało. Pśedewšym dej se how nowa serbska kazń pomjeniś. Wušej togo co Bramborska wobzamknuś katalog napšawow (Maßnahmen) k zmócnjenju serbskeje rěcy – tam su konkretne statki k lěpšemu serbskeje rěcy nalicone, což razka w Sakskej njamamy – jo Dawid Statnik Casnikoju gronił. Serbske zastupniki su wugronili naźeju, až ten plan se wobzamknjo. Slědkoju su chwalili, až Bramborska jo mimo komuźenja pódpisała chartu „Rěcy w Nimskej – zgromadna zagronitosć“.