Kužde lěto stajamy gódowny bom, kupujomy dary, sćelomy našym bliskim póstrowy do domu. Dobre žycenja ku gódam móžośo swójim lubym teke pśez serbske radijo wugroniś! Zazwóńśo, napišćo, komu cośo co groniś, a z kótarym spiwom abo kjarližom strowiś. Wašym swójźbnym, pśijaśelam, znatym abo kolegam móžośo stakim wjasele wobraźiś!

Dobre žycenja a rědna muzika ku gódam!

Teke lětosa póstajamy wam, lube pśisłuchaŕki a pśisłucharje, zasej móžnosć, we koncerśe pó žycenjach wašych lubych, znatych, pśijaśelow abo kolegow ku gódam a nowemu lětoju strowiś. Toś ten koncert buźo słyšaś 25. decembra w casu wót zeger 12:30 do 14:00 w serbskem radijo rbb – na UKW frekwencoma 93,4 a 100,4 MHz – a ako awdijo na našom web boku.

Ku tym lubym póstrowam by teke mógali pśipisaś muzikowe žycenje. A jolic se wam co, pón móžośo nam swójo žycenje sami do mikrofona groniś abo napowědany póstrow nam pśimejlowaś. Dajśo nam wěźeś, lěc dejmy snaź samo z mikrofonom k wam pśiś a waše žycenja nagrawaś. Swój póstrow by dejali pla nas wótedaś až do 20.12.

Das Wunschkonzert

zur Weihnacht