Z Baršća/Forst. Wobydlarje we wokrejsu Sprjewja/Nysa (SPN) deje w pśiducem lěśe wěcej zapłaśiś, gaž kśě wužywaś wažne kulturne institucije, za kótarež jo wokrejs SPN zagronity. To płaśi mjazy drugim za wokrejsnu muzikowu šulu, za wokrejsnu ludowu wusoku šulu, za wokrejsny muzeum w Grodku, za wokrejsnu biblioteku a teke pón, gaž někake sportowe zjadnośeństwa abo někaka sportowa kupka wužywa sportnišća abo sportowu halu, ako słušaju wokrejsoju. Pśi tej góźbje su teke aktualizěrowali wustawki (Satzungen) a statut jadnotliwych institucijow.