Njedawno som dostała spis k 200. pósmjertnemu dnju Jana Bjedricha Fryca (1747–1819) do rukow. Pśed tśimi lětami su togo gołkojskego fararja ze swětosnosću w cerkwi cesćili, z wopomnjeśim pśi rowje a swěźeńskima pśednoskoma tam na městnje jogo statkowanja.

Jubilejny material jo Gołkojska wósada hyšći to samsne lěto 2019 do spisa „Johann Friedrich Fritze. Festschrift zum 200. Todestag“ zestajała a wudała. Ze zajmom som te brošurowane knigły něnto cytała, kótarež wopśimjeju 84 bokow.