Z Města/Cottbus. Stary měsćański dom Chóśebuz jo zachadny stwórtk wuwitał zastupnikow narodnych mjeńšynow z Francojskeje. Eksperty tśich narodnych mjeńšynow z Okcitańskeje, Bretani a Korsiki su nazgónjenja wuměnili wó mjeńšynowej politice a rěcnem planowanju we Francojskej. Zastupniki Serbow su jich informěrowali wó swójej situaciji. Konferencu jo woglědało něźi połsta luźi. Organizator jo wótźělenje za regionalne wuwiśe a mjeńšynowy šćit Serbskego instituta. Zejźenje jo wjednik wótźělenja dr. Lutz Laschewski wótwórił. Su organizěrowali synchrony pśełožk ze słuchatkami do nimskeje rěcy za tych, kenž francojski njerozměju. W pśestawce su se woglědarje mjazy sobu engelski wulicowali.