Z Budyšyna/Bautzen. Serbski spiwaŕski swěźeń su Domowina, Zwězk serbskich spiwaŕskich towaristwow, Serbski ludowy ansambel a Załožba za serbski lud pśipowěźeli ako „wjerašk lěta Zejlera a Kocora 2022“. Nagromadu něźi 350 spiwaŕkow a spiwarjow z 14 chorow a spiwaŕskich towaristwow z cełeje Łužyce jo slědnu sobotu tomu wupominanjeju wótpowědowało. Z tym až do togo nejwětšym zarědowanim su swětosnje pócesćili wobeju wjelikeju zasłužbneju serbskeju wósobinowu.
Wěcej ako styri góźiny dłujko su wobźělniki spiwali we wótměnjatych wobsajźenjach młoge duchowne, a teke swětne twóŕby nestorowu serbskeje wuměłskeje muziki. Jadnab 50 pśepšosonych gósći w zalu budyšyńskeje „Krony“ a wěcej hundert pśiglědarjow livestreama su tšojenjeju slědowali.