Z Chóśebuza/Cottbus. W Serbskej cerkwi, kótarejež hołtaŕ a orgelowa kora stej wurědnjonej ze serbskimi bibliskimi gronkami, wótměwa se na iniciatiwu fararic manźelskeju Wolfganga a Friederike Gürtlerojc wót zachopjeńka wójny Ruskeje pśeśiwo Ukrainje pó srjodach wjacor zeger šesćich bjatowanje wó měr. Južo tśeśi raz jo zastupowała jeju w nabóžninje Christiana Piniekowa wót teje wósady, kenž zapletujo stawnje tež serbske późěle do njeje – witanje, cytanje a kjarliž.