Z Podstupima/Potsdam. Wót 1. julij do 31. oktobera muse wobsejźarje gruntow w kraju Bramborskej dankowe wuzjawjenje za gódnotu gruntow (Grundsteuerwerterklärung) wótedaś, a to jo až do 26. julija južo skóro 43.000 luźi pó elektriskem puśu cyniło. W Bramborskej se namakajo wokoło 1,8 milionow wobtwarjonych a njewobtwarjonych gruntow. Take dankowe wuzjawjenje za grunty musy kuždy wobsejźaŕ až do 31. oktobra wótedaś, kenž wobsejźi grunty wót 1. januara 2022. Daty z wuzjawjenjow su nakład za bramborske financne amty grunty nowe pógódnośiś a za města a gmejny gruntowy dank wót lěta 2025 pórědnje wulicyś.