Z redakcije/Redaktion. Slědny stwórtk su wukniki byli w redakciji Nowego Casnika. Wóni bydle w Brjazynje, Smogorjowje, Prjawozu, Wjerbnje a Bórkowach a chójźe w Brjazynje do zakładneje šule „Mato Kosyk“. Wóni su w šestej rědowni a budu skóro pušćiś zakładnu šulu. Wulět do redakcije jo był źěł skóńcnego jězda wuknikow. Wót togo woglěda su pisali něco, na tšojaki part. Teke dalšne rědownje su witane, aby k nam na woglěd pśišli!

To su Theo, Vanessa

a Emma pisali

Pěśo wuknikow, wóni su serbšćinarje, ze zakładneje šule „Mato Kosyk“ w Brjazynje su na swójom skóńcnem dnju ducy byli. To jo było 23. junija. Ako prědne su wóni byli w medijowem domje w Droze młoźiny pla Nowego Casnika. Pótom su byli w Dolnoserbskej bibliotece a w Rěcnem centrumje Witaj.

W medijowem domje jo jich něcht wótholował. Pótom jo šefredaktorka Stefanie Krawcojc jim pokazała wšykne śpy a pśedstajiła sobuźěłaśerje. Pótom su pisali rozpšawy. Wóni su tam wjele nowego zgónili.

To stej Anna a Annabell pisałej