Kak ten cas se minjo! Něnto som južo šesć mjasecow dłujko w amśe młoźinskego koordinatora Domowiny za Dolnu Łužycu. Prědny cas jo pregowała korona-pandemija, ako smy k drugemu razoju organizěrowali alternatiwny zapust we online-formaśe. W běgu tych mjasecow som ja wopóznał wjele młoźinskich kupkow, wšake smy ako Domowina nowo dobyli a z tym rozšyrili našu seś.
Co wóznamjenijo to městno ako młoźinski koordinator, a co dajo se kak cyniś?
Take pšašanja smy wujasnili w nowej koncepciji, ako słuša k teoretiskemu źěloju młoźinskego źěła. Wjele idejow jo nastało we tom casu, wšake smy pak zasej zachyśili. Ako pśecej jo kompromis nejlěpše rozwězanje, mjazy tradicionelnymi aktiwitami na jadnom boce a pór nowosćami na drugem.