Z Chóśebuza/Cottbus. Wałtoru, dnja 31.maja, jo redakcija rbb dolnoserbskego telewizijnego wusćełanja „Łužyca“ něgajšnych a něntejšnych redaktorow a dalšnych sobustatkujucych pśepšosyła do Serbskego muzeja na źěkowańsku swětocnosć pśi góźbje 30-lětnego wobstaśa. Wót lěta 1999 za dolnoserbske telewokno zagronity redaktor Hellmuth Henneberg a wjednica rozgłosowego studija rbb w Chóśebuzu, Angelika Jordanowa, stej pśibytnych w mjenju wjednistwa rbb pśechwatałej z tortu ze serbskim napismom a stej wugroniłej wšyknym pomocnikam zajźonych tśiźasća lět źěk za spušćobne partnaŕstwo. Kuratorka muzeja, Christina Kliemowa, jo gósći wjadła pó nowej stawnej wustajeńcy.