Z Dešna/Dissen. Slědnu srjodu smy my wót wugbaśoweju kursowu Dolnoserbskego gymnaziuma (DSG) se wudali na wulět do Dešna. Glucne, až změjomy raz wótměnu wót wšednego šulskego dnja, smy pśi šuli startowali z kólasom. Pśi Domowniskem muzeumje smy se zmakali ze źinsajšnyma „wucabnikoma“ Maksimilianom Hasackim a Gregorom Kliemom. Pótom smy kólasowali k prědnej staciji: k burskemu dwóroju, kótaryž słuša starkej Maksimiliana. Napóslědku stej nam našej tour-guida pśedstajiłej Marjanu, kótaraž bydli napśeśiwo a jo teke cas žywjenja wobźěłała burski dwór. Ten jo był něco wósebnego za nas, lěcrownož smy byli wšykne južo raz na takem dwórje. Familiarna atmosfera a gromaduźaržanje generacijow nas fasciněrujotej. Marjana, maminorěcna Serbowka, jo nam nejwažnjejše města žywnosći pokazała a serbski wulicowała.

Smy wšake zgónili wó źěle na burskem dwórje