Ze Serbskego domu/Aus dem Wendischen Haus. To jo było slědny tyźeń stwórtk wjacor skóńcnje zasej take pšawe a raźone wótwórjenje jadneje noweje wustajeńce w Serbskem domje – ga take, ako smy dožywili w casu pśed koronu: wokoło 50 gósći, wšykne dobreje mysli, rědny kulturny program a to nejwažnjejše: gódna nowa wustajeńca. Jo to pó załoženju Lodki pśed 30 lětami južo ta 126. ! Wóna jo myslona za serbsku mólaŕku a wuměłcowku Lenku Theurigowu (Helene Theurich), ako jo namakała ako wuměńkaŕka we Drježdźanach swóju nowu domownju.