Diese Seite drucken

„To dej byś wjelk?“

Awtor: Konstanze Kušcyc stwórtk, 24. měrc 2022

Z Chóśebuza/Cottbus. Slědnu sobotu jo tudy w zalu Muzikoweje šule „Academy of music“ była premjera kusa „Die großen Abenteuer des kleinen Lutk“. Pśigótowała jo to wšykno Dolnoserbska akademija w Měsće. Jadnab 22 źiśi jo pśišło, nejmłodše su byli tśi lětka stare, te wětše su byli někak wósym lět.

Wóni su sobu wezeli starjejše abo stare starjejše. Do zachopjeńka graśa su źiśi hyšći mólowali abo puzzlowali. Wobraze ilustratorki Liny Ungeroweje, kenž su lažali pśigótowane, su se teke namakali w kusu.

We tej śpě, źož su pokazali to graśe, su byli maty pśed jawišćom. Tam su źiśi spódobne městaška měli. Dorosćone su měli stołe. Franciska Albertowa wót teje akademije jo źiśi serbske wuwitała, a źiśi su wótegronili. Pón su wšykne wołali za Wiebke. Wóna jo to słyšała a pśišła a zachopiła z kusom. Wóna jo w běgu graśa měła pěś rolow.

artikel pógódnośiś
(0 )
Pšosym zalogujśo se, cośo-li komentar dodaś