Z Města/Cottbus. Pśedslědnu sobotu jo Kolektiw Wakuum pšosył na wósebny graśowy wjacor w Galeriji Fango. Z mjenim „(t)šach“ jo jen zarědowała cłonk kolektiwa, młoda Chóśebuzaŕka Sophie Riedelojc. Za mjenim togo turněra štycy jeje ideja, až deje cuze luźe zgubiś ewentuelny tšach pśed sobu, mjaztym až graju šach. To jo se jej raźiło, měni wóna. „Zajmny jo było, až su pśišli luźe do galerije, kótarež tam žednje njejsom pjerwjej wiźeła. Ja som licyła jadnab 20 gósći, jano za ten graśowy wjacor.“ Sobu pśinjasli su wóni, ako su byli šachowe eksperty a zachopjenkarje kuždego starstwa, swóje priwatne šachowe delki a zajm za serbsku rěc.