Raz mócnje, raz lyriski póśicho su zazněli sobotu wjacor w chóśebuskej Nimskej cerkwi spiwy w serbskej rěcy. Z jubilejnym koncertom, w kótaremž su sobu statkowali chor Budyšyn, Błośański žeńskecy chor Lubin, Serbski muskecy chor Delany, Dolnoserbski źiśecy a młoźinski ansambel Chóśebuz, Nimsko-serbski chor Žylow ako žeńskecy chor Janšojce a chor Židźino, jo swěśił Zwězk serbskich spiwarskich towaristwow z. t. swójo nowozałoženje pśed 25 lětami.
Spócetnje jo se 1923 ako kšywowy zwězk serbskich chorow załožył, aby woplěwał serbski spiw a spěchował serbske chorowe gibanje. 1937 jo se – ako wše serbske towaristwa – wót nacionalsocialistow zakazał. Znowa załožył jo se 25. maja 1991 a licy stakim ku prědnym serbskim towaristwam, kenž su nastali pó towarišnostnych změnach w lěśe 1989.