Na głownej zgromaźinje łoni w juniju w Slěpem, w tamnej nowej modernej šuli, su delegaty mjazy drugim diskutěrowali a wobzamknuli wšake notne pśeměnjenja a wudospołnjenja w statutach Domowiny. Pśed tym běchu z juristami wšykno pśepowědali a te su dali signal za to, až jo to wšykno pó kaznjach pšawe.

Sakske sudnistwo w Drježdźanach pak jo za tym zwěsćiło, až jadna wěc w nowych Domowinskich statutach njejo relewantna dosć. To pótrjefijo ten dypk, chto smějo juristiski mimo pśedsedarja a jogo dweju zastupnikowu zastupowaś Domowinu w zjawnosći.